PrincessFake

新富町文化市場*偽‧文青必到地方

新富町文化市場位於萬華區新富市場內, 係一個屬於日治時期的公設市場 - 即係街市, 隨住時代的轉變, 已經活化成今日的文化市場, 係2017年正式開放. 而當年馬蹄形的設計、中間天井的位置顯得更加罕見, 而家的文化市場已經成為法定古蹟. 而館內會定期舉辦唔同的活動和展覽, 令大家一齊參與藝術文化活動. 

正門

廿四節氣

仲有介紹文化市場周邊的地方. 

廿四節氣

模仿食店環境

古時的夾萬

明日咖啡, 不過今次就冇試到啦. 仲保留左舊式的橫樑, 而且仲用左點心籠去做燈罩. 

但大家最想去的天井空間就因為天雨關係冇開, Crying.....

戶外的環境

藝術文化竟然可以係一個街市入面, 令空間可以吸引一班年輕人去, 發展和保育同樣做到. 又會介紹市場的歷史、發展, 甚至飲食教育. 台灣對於活化真係好勁, 反觀香港..........

參觀完文化市場就可以係周邊行, 因為周圍都有好多吸引的食店.

去左一間食麻薯的舖. 但其實都唔係我想食的, 因為我想食的係花生餡呀. 不過佢芝士餡都好食的, 而且個皮好軟熟好好食. 

之後再見到D地道的小吃, 我又忍唔住啦.

叫左碟豬大腸. 好厚呀. 點解台灣的豬大腸可以咁厚既...?

鯊魚煙. 其實我唔知咩係鯊魚煙. 我上網睇似乎係用鯊魚肉醃製而成的. 但係食落好煙韌, 點Wasabi食好似食緊刺身咁. 

就係咁完結左新富市場的一天.