Borough Market > London Bridge & Tower of London > Fortnum & Mason (High Tea) > Big Ben
係順利落飛機的時候, 已經係英國的晚上9:00啦. 今次我仍然係住係表哥屋企, 表哥仲要揸車黎接我地, 太幸福啦~~~ 去英國的時候就真係好似公主般幸福呀.
我地住係Wallington, 屬於Zone 5, 離旅遊區係有少少遠既, 但其實搭去Victoria站, 都係9個字左右, 對於係香港已經住係鄉郊既我地, 其實一d都唔遠.
車站前的美食車呀.........
旅程的第一天, 今日一早就出發去Borough Market, 先搭去London Bridge Station (火車站黎), 再行去大概5分鐘.
已荒廢的電話亭, 別有一番風味呀.
Borough Market的門口, 但因為今日唔係full market, 感覺就有d冷清. (點解明知唔係full market都去? 咪就係張車票囉…)
炒飯 (這個不是我們的口味, 所以就沒有食)
有幾間生蠔店, 基本上價格差唔多, 但未見有特別平的生蠔
有 £1.5 - £3.5的, 其實呢個價格周圍都可以食到吧.
立即開比你
XL size的, £3.5, 係新鮮的, 呢隻唔係好咸
呢2隻就係£2.5個款, 比較咸, 海水味較重, 畢竟我都唔係食蠔的專家, 只係過下口隱, 所以都覺得幾好既.
炒扇貝, £6.5的炒帶子呀, 有3粒. 買個陣唔覺, 食個陣就覺得都幾貴架喎. 味道不過不失, 但我會覺得平時香港食的更好食.
無錯!! 我地就係食左呢兩樣野就走啦. 所以都係覺得外界對佢既吹捧太高. 大家都講到d野食好平咁, 我就唔覺得啦. 入面的價錢, 其實周圍都有的.
其實Borough market同London bridge好近架咋, 食完野當散下步啦.
歐洲就係周圍都有咁靚的建築物
我地就行到出London Bridge啦, 大家都知London Bridge is falling down, 但其實係指Tower Bridge啦. 所以, London Bridge其實只係一條好普通的橋.
兩邊的風景.
10分鐘左右就行到出大橋, 離遠就見到Tower bridge, 之後我地就沿著橋邊由遠至近咁影.
行過HAY'S GALLERIA, 仲有隻船?!係到. 呢到其實周邊都係商店/Coffee Shop, 大家係可以消費下.
怎可能沒有我的自拍照 haha. 就係係橋上有好多好多白鴿, 又飛得特別低, 我相信係外國人可以同佢地相處得好融洽, 但我地真係接受唔到!!! 於是我地不停咁避白鴿, 就會發現身邊好多人會對你投以奇怪既目光.
對面就係 Tower of London
細看Tower Bridge啦, 難得黎到, 當然咩角度都要影晒啦, 唔係張機票點值回票價?!
其實橋上面人多車多, 所以基本上都唔會影到點樣靚.
回望頭先就係一直係河邊走過黎.
只有向上影先會冇人啦 haha
橫過Tower bridge之後, 就會見到Tower of London.
真是難得的好天氣呀
入場費 (05/2017影的), 成人£28, 如果大家好想入去d博物館, 我建議大家買London Pass啦. 但因為我地全部人都有興趣, 所以就留左d時間去其他地方啦, 於是我地就係係外圍影下相就走啦.
至於紀念品店就係係外圍的, 原本, 我真係好想買個皇冠架, 但佢既質素有點兒...差. 大概 £15-£20 一個, 睇下係咩款啦, 買之前要睇清楚d手工呀.
留言列表