2017*鳥取縣 - 安來足立美術館 & 境港鬼太郎－PrincessFake

20170212 DAY 2

安來足立美術館 > 境港鬼太郎 > 米子餐廳 - 炉端焼き家富良

一早起身先知原來鳥取落雪的情況好嚴重, 是33年來積雪最深. 好難怪日本人咁唔鍾意落雪, 相信只有我地冇見過雪先咁興奮.

首先一早就出發去足立美術館, 足立美術館其實係屬於島根縣安來站. 網上見到美術館的庭園被雜誌連續13年被評為日本第一的日本庭園, 就係因為咁就吸引左我去. 先由米子搭JR去安來, 再搭Free Shuttle Bus去美術館. 係門口想影相的時候, 有對日本人行左黎同我地講野, 因為我地都唔識日文啦....我地以為佢想叫我地幫佢地影合照, 點知係佢地幫我地影呀.

庭園入面雖然佈滿了雪, 但其實都好靚. 本身佢分左幾個唔同的區域, 但其實我已經分唔到啦.

當我地行到出戶外地方時, 再有對日本人主動行過黎話幫我地影合照, 點解佢地可以咁好架後尾見番係門口幫我地影相個pair人, 原來佢地識架, 我地都用好有限的英文傾左兩句.

其實美術館都好大, 先行完庭園, 之後再行美術館和展示廳. 不過美術館內的作品都唔可以影相. 美術館收藏了好多橫山大觀的作品, 是一位在日本十分出名的畫家. 他當時創作出朦朧體的畫法, 即是無線條畫風. 以富士山為題的作品, 紅噹噹的太陽, 即使平凡人如我,都覺得好讚嘆. 行完本館之後仲會經地下通道去到新館, 新館內仲有其他名畫作, 好值得大家去欣賞. 最後係館內行左大約3小時, 比想像中用得較多時間呀...

出到去火車站利用了等車時間食件cake飲杯茶, 唔好以為係火車站入面就冇好野 (唔似香港呀...)

因為落大雪係咁Delay, 當我地出到去米子時就Miss左班車啦, 唯有係火車站到再食野啦. 係其中一間餐廳入面仲見番美術館個pair日本好人. 佢地邀請我地一齊食飯, 仲話要請客. 呢個舉動, 真係嚇親我地, 我地都只不過係萍水相逢 (Old School Mode). 為免人地破費, 我地就只好話趕車唔洗客氣啦. 之後就上左車站二樓的餐廳食飯.

蟹肉丼唔記得幾多錢啦不過都唔會係貴

親子丼 720YEN

食飽飽之後就出發去境港鬼太郎啦. 車程大約一小時. 其實都明知趕唔切入去水木茂記念館, 因為去到都已經 16:24, 所以都係抱到此一遊的心態. 由火車開始就已經充滿住鬼太郎和佢D朋友的身影, 其實我冇睇過鬼太郎, 亦都唔認識佢地, 都係因為會黎呢到旅行, 先了解多左.

唔同時間會有唔同公仔的列車, 咁岩就撘中鬼太郎火車.

一落車就去左水木茂記念館先, 當然佢都已經停止入內, 不過就仲未閂門. 所以就係佢門口到行下影下相. 係記念館後方仲有個妖怪樂園, 以當時的天氣根本就唔會有人啦, 但我地都去影左兩張相.

一入門口就見到鬼太郎歡迎我啦 (咁都要自high)

一反木棉好貼地呀, 真係會睇佢唔到架.

其實成條商店街都係得小貓兩三隻, 好多店舖都冇開. 其實都好合理呀, 33年來最大雪喎. 好在仲有手信店妖怪饅頭有開門, 我地就入去買左幾盒做手信了. 沿住商店街兩邊不停影下相, 其實就算店舖冇開, 都仲係好忙架. 而且仲設置total 37個印章位置, 我最鍾意就係係旅行時收集不同的印章和leaflet.

其中有條街竟然用雪堆起左鬼太郎朋友們, 原來係店家佢地係雪中作樂, 睇黎佢地真係好鍾意鬼太郎啦.