close
20170213 Day 3
鳥取 Cafe Source > 米子 > 岡山
今日有出太陽, 但仍然充滿雪. 其實咁樣仲難行呀, 因為有d雪開始融, 好濕好滑, 姐係好易仆街囉…………(雪之旅入面, 我真係仆左一次咋.....)
原本諗住去鳥取砂丘, 諗住冇沙睇, 都睇下雪丘呀. 由米子搭JR去鳥取都係大約一小時啦, 但....其實鳥取今日所有巴士都係停駛, 好啦, 咁砂丘去唔到, 去下鳥取到此一遊都好既.
一出車站, 我明咩叫雪災, 原來米子同境港都係好小事. 我真係好理解點解要停駛, 因為根本就駛唔到. 相中左邊排緊隊咪就係唯一行駛既的士囉...
D雪堆到好高啦, 我只係想過馬路過對面街, 我………又搵唔到條馬路啦.
好啦, 我唯有落隧道亂行一通. 我目的都係想去搵食咋, 係網上見到佢今日都有開, 所以先去. Google寫五分鐘的路, 我又行左半個鐘啦. 見到佢地好辛苦, 每個人都好努力咁鏟雪, 有好多車都比雪卡死左行唔到. 呢個時候就見到日本人既互助, 大家可能係唔識既, 路過既, 都會停低幫手. 幫手鏟雪、有車幫手去拉動第二架卡死左既車.
終於去到 Cafe Source 啦, 係一間休閒小店, 去到正正lunch hour時間, 都見到好多上班族黎食lunch. 終是我地叫左一個煙肉意粉餐和一個牛仔肉餐.
意粉餐 1079yen, 包括前菜, 麵包, 主菜, 甜品, 飲品. 前菜係邊? 一黎到就食左啦...竟然又唔記得影. 幾款唔同的麵包, 唔係香港D空氣麵包, 好軟熟. 意粉唔會太淋, 佢又吾係一個乾的意粉, 佢底下有少少汁, 食落岩岩好.
牛仔肉餐 1179yen, 左上角係忌廉湯、中間係薯仔+菜, 下面係炸薯餅. 右上係肉醬芝士, 同下面既主菜 - 牛仔肉. 牛肉唔會韌.
食飯中途都繼續落雪.
傳說中的冷板凳呀
街邊隨便都有的雪人.
食完飯就要返去準備走啦, 之前原本仲想去埋柯南到既, 但咁既天氣都係算啦, 早d落去岡山啦.
文章標籤
全站熱搜
留言列表
手作 (1)
