PrincessFake

20170216 Day 6

宮島一天遊 > 廣島燒村

今日就只有一個地方 - 宮島 Miyajima!! 期待以久, 行程重點之一 (有夠誇張.....)

因為我地用既係JR Pass, 所以就當然搭JR的船, 唔洗購票, 直接排隊上船Show Pass就可以.

宮島碼頭

其實我地都唔係一早架啦, 入到去宮島的時候就差唔多12點啦. 一入到去隨處都見到鹿仔, 不過呢到既鹿仔唔同奈良的鹿呀, 當地人係唔會餵鹿仔食野架. 但係有D鹿仔都會追住遊客拎野食, 所以要小心自己的物品, 亦都唔好貪得意餵佢地呀.

由於為左避開食飯時的人潮, 於是我地就去食飯先. (其實係早餐都未食....) 遊客就當然係去島上最出名的「牡蠣屋」, 係商店街內, 門口唔算特別顯眼. (係因為自己行行下, 行左口過龍...)

安排左上二樓, 有D好得意既小擺設.

Menu, 二話不說就叫左Kakiya Set. 

包括左五款蠔的食法, 香檳係別外點的. 可以一次過滿足係五個願望. 湯都有加蠔, 唔係一般的味噌湯. 唯獨左上個碟有點似蠔豉的味道我有D唔鍾意, 其他都好好食. 炸蠔D炸粉都唔厚, 而且隻隻蠔都好飽滿. 

生蠔. 因為餐入面冇生蠔, 所以別外再點. 相對下, 我覺得生蠔比較失色. 

食飽之後就出發去嚴島神社和海上鳥居了. 去之前要先睇清潔潮脹和潮退的時間呀. 

終於見到海上鳥居啦!!!  嚴島神社最著名的就是位於海上的大鳥, 祭拜的是海洋之神, 奉仕古老傳說中的三位海洋女神「 宗像三女神 」（市杵島命姬、田心姬命、湍津姬命）。鳥居闊24m, 高16m, 重60tons, 太強了吧, 到底以前係點起?? 仲要係海上, 要承受風吹雨打呀. 

還在海上的嚴島神社

全景的嚴島神社, 超美!!

嚴島神社的景觀

從平舞台望出去的鳥居

從拜殿望出去的鳥居. 其實嚴島神社內好多都係日本的國寶建築, 而且建築的方法完全充滿著前人的智慧.

後方是五重塔

天神社. 呢邊已經開始退潮了

反橋. 相傳只有天皇的使者先可以行這座橋. 

參觀完神社後, 原本就滿懷希望出發去紅葉谷公園, 準備搭纜車上彌山去一睇山中的「7大不可思議」.

點知....最大的不可思議就發生左係呢到啦. 運休? 點解會咁....crying....

於是, 我就唯有係公園入面行一個圈啦.

橋兩邊的景色

水流, 其實都幾靚的

我實在無能為力行上山啦. 終是, 我就轉戰去左宮島水族館啦....水族館高2層, 相對大阪的水遊館當然係細好多啦, 不過水族館以接觸動物為基本理念. 入面有個餵食動物的時間表, 大家可以跟著時間表去睇. 

某個位置有個影相位, 就好似自己係個魚缸入面一樣. 

八爪魚, 魔鬼魚, 石頭魚??

海豚

企鵝, 企係最光的一隻企鵝就好似老大咁 haha

水瀨餵食時間, 旁邊會有工作人員一齊講解, 不過係講日文的. 入面的工作人員就會將食物放係唔同的地方, 吸引佢地去食.

海獅餵食時間, 佢呢個樣係因為等緊後面的工作人員餵野比佢食呀

其實館入面仲有好多動物, 大家可以用多d時間去睇呀, 但係記得影相時候唔好用閃光燈呀!!

水族館外的地方, 感覺上就好似一個廢虛咁.

大杓子, 杓子其實都係宮島的名產. 

之後就係商店街到買D手信就走了, 因為好多店舖都好早閂門架. 呢個時候就已經潮退了, 可以行近去窺探一下鳥居. 

日落時份, d人行左落去就可以睇到個比例了

鳥居的近看

再影完一輪相就走了. 遠睇的鳥居, 仲有隻鹿仔好悠閒咁攤係到呀.

宮島入面其實仲有好多地方可以去, 所以係好值得去一次.