close
20170217 Day 7
尾道半天遊 - 尾道拉麵 - 纜車 - 文學之道 - 千光寺 > 原爆遺址夜景
由酒店行過去和平紀念館的位置, 係靜靜的晚上感受一下.
平和の門, 法國建築師設計, 內有49個國家的語言寫住「平和」, 希望能推進和平的活動.
嵐の中の母子像, 母親愛護兒子的力量呀.
和平紀念公園
原爆死没者慰霊碑, 1952年建立, 為罹難者祈禱, 並且刻著「絕不重蹈覆轍 」. 係紀念碑旁就係和平の池. 係呢個位置可以見到紀念碑、平和の燈、原爆圓頂館, 都係同一直線上.
平和の燈, 據說此火代表著廢除核武的象徵, 全世界都未廢除核武前, 此火都不會熄滅. 而呢到的火就係取自宮島彌山七大不可思議的不滅之火.
原爆の子の像, 呢個雕像係紀念「佐佐木禎子」, 佢係因為受原子彈的輻射而導致有白血病而死. 佐佐木禎子死前因決心要摺出一千隻紙鶴, 亦感染到佢的同學一齊摺. 所以後來大家都在紀念碑前放上紙鶴, 祈求世界和平.
原爆圓頂館, 原爆圓頂館在原子彈之前, 其實係一個廣島縣產業獎勵館, 由捷克建築師設計, 屬於新的歐洲古典建築, 原本中間的原頂位置有五層樓高. 1945年8月6日, 美軍係廣島投下原子彃, 爆炸中心附近的建築物幾乎全數被夷為平地, 而當時圓頂館只距離爆炸中心僅160公尺, 在裏面的人全部死亡, 但是圓頂館卻沒有全部倒下. 後來就成為歷史的遺址, 並列入世界文化遺產.
感覺好平靜, 好難想像一棟建築物當年點樣會變到咁.
行近睇, 有當年原爆的一個簡單說明
在原爆遺址附近的一個商場的Display都係以紙鶴為主.
文章標籤
全站熱搜
留言列表