close
因為間唔中會睇到台灣網友都會黎香港旅行, 旅行的景點佢地應該比我更清楚, 哈哈. 不過成日見到大家係搵食的時候, 見到好多食店(X華就係一個例子)我地香港人根本就唔會去, 所以好想分享D比較小店/特別少少的店, 希望比有緣人睇到, 等大家有多個選擇啦.
早兩日我就出開去佐敦, 去左食「牛屋」, 係一間好舊式的扒房, 燈光較暗, 裝修都有D舊, 但係都好乾淨.
招牌好易見到
舊式裝修常見的紅磚外牆
餐廳環境
係舊式扒房的環境
當日食的Lunch set, 有平有貴, 大家可以隨心揀, 加10%服務費, 記住店內有列明最低消費為一個餐!!
一入門口佢就會問係飲紅湯定白湯, 落完Order湯和餐包就會送上.
焗法式芥末羊仔架, HKD$88, 有兩塊羊仔架, 揀左配薯菜, 羊架用左D麵包糠和芥末一齊焗, 平時芥末都係用黎點, 今次咁樣焗黎食, 又好食喎.
焗法式生蠔配豬扒, 其實同行的人唔食牛的, 所以叫左豬扒呀.
芝士火眼焗蠔, 蠔唔係細細隻個D, 好好食.
食物好好食, 眼見好多都係街坊客, 有人話服務態度有好多人都話一般, 但我覺得佢地都係友善架. 一般既小店可能做唔到好似連鎖店咁有禮貌, 但係當佢地見到我影相有同我吹下水呀, 埋單之後仲有Say ByeBye, 只要唔係奧客, 佢地都一定係友善架.
文章標籤
全站熱搜
留言列表