Windsor Castle > Oxford
之後就再搭左一個鐘去 Oxford. 牛津真係有牛架haha. 由Oxford火車站去到市中心都要行大約10分鐘啦. 我就係地圖上Set左Carfax Tower做起點去行牛津.
係火車站行出黎無耐就會見到牛牛.
之後我誤打誤撞竟然黎到 Oxford Castle. 其實之前我無Plan過到Oxford Castle, 只係我搵路個陣...發現前面整路, 終是就誤打誤撞行左入去.
Oxford Castle以前都係軍事用途和用作監獄, 但而家已經係一級保護建築, 仲有改建成酒店和餐廳, 而且可以上城堡頂望牛津市風景.
呢邊就係餐廳, 如果好天的時候, 可以坐係出面, 一定好寫意.
之後就沿路行入去Oxford市中心.
Carfax Tower, 係牛津市中心的標誌. 以前係完整的教堂, 而家就只剩下鐘塔. 鐘樓高23米, 據說牛津市內的建築物都唔可以高過佢....(唔可以高過23米??!! 不如黎香港睇下, 有冇一棟樓矮過23米.....)
Tower 都係可以入去參觀和到頂樓參觀, 不過我地去到既時候已經5點啦, 所以就冇得入啦.
行前兩步就係Covered Market, 入邊有D小攤檔可以行下, 不過, 我去到既時候差唔多都Closed.
店舖招牌
Cake Shop. £2-3 一件, 價錢可以接受啦, 不過我地就冇試到啦.
Oxford 市中心隨影, 街上任何一個建築都好靚, 唔同的顏色放埋一齊都好Match, 好柔和.
再直行就會見到St Mary's Passage小巷, 係小巷轉入去.
首先會見到University Church of St Mary the Virgin, 係巷口望已經覺得好靚.
入到去會"嘩....." 周邊的College和中間圓形的Radcliffe Camera. OMG~~~真係好靚好震撼~~
不論邊個方向睇, 呢到都好靚, 個一下既感覺真係好難用文字去表達.
Radcliffe Camera, 而家係屬於bodleian library的圖書館, 係1937-1949年興建. 佢既圓拱形設計係英國最早的一個圓形圖書館.
University Church of St Mary the Virgin. 呢到係正面的樣子, 教堂最古老的部分係大約1270年左右開始建造, 而一些教堂歷史學家更聲稱它是英格蘭最美麗的一座教堂. 而家已經係收費開放, 有時間的話一定要登頂參觀. 因為係呢到望出去, 可以望到Radcliffe Camera和Oxford College的靚景.
Bridge of Signs, 但其實呢條嘆息橋和威尼斯/劍橋的意義不同. 事實上佢只係連接兩個學院, 初頭都冇打算叫嘆息橋, 只係之後傳成嘆息橋.
嘆息橋對面就望住Bodleian Library, (原來係可以入去架...我之前都唔知, 所以冇入到去影相...)
沿路行番出去, 呢到就係Clarendon Building, 我初頭以為係教堂, 但其實係牛津大學出版社所在地, 係一級登錄建築, 1911-1915年興建的.
隔離呢棟綠色圓頂的係於1669年興建的 Sheldonian Theatre, 但唔係用黎表演話劇, 係比牛津大學用黎做音樂會, 講座和儀式.
用頭像做柱身, 其實我覺得有D嚇人啦.
街邊隨拍, 周圍都好靚, 好有特色.
三一學院的門口. 我係覺得呢棟樹好靚呀.....
我係鐵欄影入去的, 因為當然已經閂左門啦.
看到對面有個人係頂樓嗎? 如果夜晚唔知見到的話, 都會嚇一嚇呀. 唔知點解會有個雕像會係到呢.
St Michael at the North Gate
美美的Posting Box
到差不多夜晚的時間, 開始愈落愈大雨, 好在我地見到有Primark, 立即入去買左把英國遮
.
登登登, 終於去到最後一個景點啦, Christ Church Cathedral, 就係牛津大學基督堂學院, 知名的旅遊景點全因為係Harry Potter的拍攝場景之一.
係大門望過去就覺得好宏偉, 雖然個天好光, 但其實已經係夜晚7點啦, 所以都係只可以係門口望望.
基督堂學院係牛津大學最大的學院之一, 亦都係世界上唯一一個主教座堂既學院.
連天花都做到好精緻.
呢張好有氣勢呀~有霸氣~~
再路過Museum of Oxford
行完個圈又黎番呢到就準備走
坐係餐廳旁邊對住個河好似好有Feel, 但其實有好多蚊
周圍行都覺得好靚
行到好夜先走, 於是就買左個意粉食, 我地以為係叮既, 但原來係要焗大概半個鐘....
我買左隻熊仔做新成員
附上自己係Oxford的參觀的地圖, 大概行晒都3個鐘, 如果大家有時間入去參觀的話, 就應該要一日的時間啦.
留言列表
手作 (1)
