PrincessFake

Windsor Castle > Oxford

今日終於出發去Windsor Castle啦. 我地成10點先出發, 去到Windsor個陣就已經11點幾. 其實都好早姐 haha. 我就搭火車到Windsor + Eton Riverside, 再行去Windsor Castle大約5-10分鐘啦. 

不過, 明明係星期四, 又唔係假期, 但仍然係大排長龍呀.

溫莎堡最初是由威廉一世的時候所興建, 一直改建和發展, 直到而家, 英女王會將溫莎堡當作王室的官邸和週末時的住所. 

城堡的外圍

英女皇的相片

看吧, 好多人呀, 排到呢到可能已經有15分鐘有多. 排完隊買飛之後, 要先經過安檢才可能入場, 我諗呢到又差唔多15分鐘. 

買票時就拎埋地圖啦. 其實都係得一條路咁順住行. 

過完安檢, 就黎到Free Audio Guides, 有 9 種語言, 大家可以排隊拎. 但我地國語又唔得, 英文又唔係好, 所以就冇拎到啦. 

一入去見到的城堡的樣貌

入面就係Quadrangle, 都會有圍欄欄住的.

連盞燈都有王冠架

沿路行入去. 

Round Tower. 佢係興建係一個人造山丘上, 山丘其實係不規則, 但看起來是圓形的, 所以先叫做Round Tower. 

之後就行到邊就影到邊啦.

Quadrangle 的全景, 只可以係圍欄外影相. 好想入去 haha.

之後沿著North Terrace行去State Apartments, 係呢到入去參觀Queen's Mary's Dolls' House. 係1924年由英國著名建築師為瑪莉皇后興建, 入面全部都係1:12的複製品, 最勁既係入面都係水電供應. 

要先排隊先可以入去. 不過入面係唔可以影相. 參觀完Queen's Mary's Dolls' House, 就會連住去State Apartments. 入面會有好多人像繪畫/雕刻/藝術品, 有D位可以影相, 有D就唔影得. 而且現場會有好多人一齊順路參觀, 所以我都冇影到相, 好專心咁參觀. 

紀念品店, 但行多幾個地點就會發覺其實間間買的野大多都一樣.

行行下就見到大頭士兵啦, 快快影低先.

其實Windsor Castle係有得睇衛兵交接架, 原本我地都係諗住係呢到睇, 但因為張消失的車票, 所以我地改左時間黎, 結果日子唔岩就睇唔到衛兵交接啦. 大家記住上網Check清楚啦.

St George's Chapel. 有得入去入去參觀的, 但我地今次就冇入到去啦. 

係離開前影一張全景先. 左邊就係St George's Chapel, 右邊就係出口啦.

左邊係出口. 見到下面有一班人嗎? 就係同大頭士兵影相的地方啦.

只可以係一秒之間影到大頭士兵的獨照. 大家都會好乖乖咁輪住影相, 冇隊排, 靠自律而已. 大家影相的時候就乖乖地啦, 互相尊重呀. 我行埋去影的時候, 連膊頭都唔到. 

見到有馬車. 都好想搭呀

Windsor 街道

城堡對出都有一條商店街

去左其中一間食Pasty的,  £3.99 有Pasty & Coffee, 抵呀~~ 認住個人樣啦, 周圍都有架. 

之後我地就出發去Oxford, 但今次就去Windsor & Eton Central Rail車站. 車站前有一個大既Shopping Area, 有時間就可以行下. 

車站有架舊式火車可以拍拍照.

買車票去Oxford啦~~ £16.8呀, 好貴呀