20170213 Day 3
鳥取 Cafe Source > 米子 > 岡山小豆島拉麵
鳥取之後就當然先番米子拎行李, 再搭JR去岡山啦. 係搭火車之前, 我地係車站到買左個小壽司便當.
吾左衛門鮓之米吾
2件鯖魚、蟹肉、2件鮭魚壽司, 咁就已經1190 Yen. 其實係有D貴既, 不過佢標榜都係用最好的食材, 壽司的米都係用鳥取產的.
鯖魚壽司外圍包住一塊昆布, 昆布好似比平常見到的厚D, 但係係爽口的, 而鯖魚的肉好肥美.
蟹肉壽司都係用白板昆布包住的, 平時好少見呀, 但味道就好似冇咩特別.
2個小時的車程其實好快就過, 話咁快就落到去岡山啦. 久違了的路呀 haha. 今次住的酒店就直接住左車站上面, 一出火車站30秒就到啦, 好方便好近. 放好行李後就出去搵食啦.
係桃太郎呀
岡山既感覺其實好城市, 岡山車站本身就有大型商場, 對出就已經有一條商店街, 行街食野已經集齊啦. 今次就去左好出名的小豆島拉麵, 離車站唔係好遠. 餐廳門前就貼左佢的排名係縣內的第一名, 見平時人地去都係要排隊, 但我地就好lucky一去到就有位了. 小豆島其實本身在位於瀨戶內海的第二大島, 而佢的名產就是醬油. 終是我地就叫左一個 醤そば 和 島そば.
醤そば 應該就係佢的主打拉麵, 係用由小豆島產的醬油做湯底, 而拉麵上的就係由橄欖特製成的豆豉醬, 味道較濃.
島そば 係湯底應該是清湯, 加左柚子皮, 味道清甜較淡.
兩款拉麵各有各好, 就要睇下自己的口味.
請先 登入 以發表留言。