PrincessFake

20170217 Day 7

尾道半天遊 - 尾道拉麵 - 纜車 - 文學之道 - 千光寺 > 原爆遺址夜景

今日出發去尾道啦, 尾道就位於岡山與廣島的中間, 自古就是物流集散的城市. 尾道又因為北川景子拍攝相機廣告大紅, 而且連「人中之龍6」都有以尾道取景. 更吸引的係尾道拉麵與尾道的寺廟, 所以今次就決定黎個半天遊吧!!

尾道駅外觀, 今日天氣好差呀, 天陰加間中落雨, 想凍死人咩...

尾道觀光地圖, 介紹左全部寺廟的位置, 原本想去多幾個寺廟睇, 但因為太凍的關係, 所以最後決定只去千光寺就好了. 

林芙美子像, 是日本出名的女作家, 係商店街內亦有林芙美子的資料館.

位於火車站旁的「櫻屋」, 入去試下尾道拉麵! 尾道拉麵係以雞骨醬油作和瀨戶內海的小魚做湯底, 再加上豬的背骨油脂. 

餐廳內好似只得日文Menu, 係要先買票的.

用的係雙喜碗呀, 單點左一個拉麵

仲有一個Set, 拉麵、天婦羅、豆腐和飯. 好飽呀! 老實說, 我幾鍾意食尾道拉麵, 湯底濃但唔會膩. 

之後就出發去搭纜車啦, 會先經驗商店街, 但唔知點解我個日行條街好靜, 冇咩舖開呀. 沿途都見到指示搭纜車. 

搭纜車的風景. 纜車15Mins一班, 班次算密的, 而我地都只買單程呀, 回程選擇行落山.

一上去就會見到觀景台

戀人之聖地, 後面就係情侶鎖.

上到觀景台的風景啦. 條橋就係尾道大橋啦. 天氣唔好啦, 望出去都濛濛的. 而且又超凍.....

尾道美術館, 由安藤忠雄設計的.

之後就沿著文學之道去千光寺

石碑上刻了許多日本的文學、尾道景色既詩句, 但係我唔識日文, 又唔識文學. 都係影下相留念一下啦. 

終於行到千光寺啦, 沿路都仲有其他出名的位置, 可以自己留意一下, 而呢到的繪馬係鬆弛熊, 都幾特別.

別外的一邊, 去的時候都圍起了, 但之前上網睇既時代都好似可以入去??! 

之後我地就走啦, 其實仲有別外一條路就係「貓之細道」, 不過我就冇行去啦, 因為我有動物恐懼症嘛.

呢到就落番黎呀. 

尾道出名的布甸, 都真係幾好食. 

番去廣島之後就去左Mister Donut休息一下, 平時都怕Donut會太甜, 係香港根本就唔會食. 但朱古力呢款真係好食, 入面係似個D棉花糖的口感. 

食完就係商場行一陣就去原爆遺址啦.