PrincessFake

20170215 Day 5

吉備津神社 > 直島半天遊 > 廣島GOGOGO

離開吉備津神社後, 就準備去直島 Nashima 啦!! 直島係位於四國的瀨戶內海之上, 係一個人口不足 4000人的小島 (咁小人, 好幸福的生活), 近年因為「 瀨戶內藝術季 」而吸引左好多遊客前來.  

先搭JR到岡山站, 再搭到去宇野站. 宇野站一出就會有指示邊到係渡輪碼頭, 或者跟大隊行就岩架啦, 好快就會見到.

宇野站和站外的擺設. 唔知點解JR和船的時間係永遠都唔夾架, 基本上係宇野到落車之後係要等一個鐘先會有船.

小小的售票處. 入去買船飛, 買定來回票就最好, 仲有時間表比你拎. 但....我竟然見到Memo話今日Benesse House Museum竟然唔開, 我的心已碎. 

船到啦. 已經三點三啦, 其實半日都無, 哈哈.

船好大好豪華呀 (我仲以為係天星小輪咁架...) 係可以上甲板個層的, 如果你有無比的勇氣的話, 超大風!

船程大概20Mins, 當你見到南瓜的時候就係到的時候. 

落船後, 因為時間的關係, 我就要奔向藝術館啦. 上網有時見到D人話可以用腳行, 而更重要的係我想去的Chichu Art Museum & Lee Ufan Museum就只可以繞一個圈先有車到, 於是, 我就踏上呢個勇氣之旅 - 行30Mins去啦!! 點解係勇氣之旅?! 因為行之前我根本唔知係行山咁行囉.......

Naoshima Pavilion, 由250塊不銹鋼造成, 而且係可以入去, 概念類似係一個小型的藝術館.

沿著海邊行

真係全部都係山路, 不斷的上山..... 30Mins既平路同30Mins既山路, 真係差好遠架....好在沿路行都見到靚靚的海景, 平衡一下我的心情.

地中美術館 Chichu Art Museum - 由於時間的關係, 我去到既時候已經閂門了, 所以繼續去下一個地方. 不過當你黎到呢到時候, 就差唔多到李禹煥美術館架啦.

終於黎到李禹煥美術館 Lee Ufan Museum啦,  李禹煥其實係一個韓國藝術家, 1936年生於大韓民國慶尚南道, 1956年到日本, 其後係日本發展. 而呢家美術館係係2010開館, 由名建築師安藤忠雄設計, 館內展示李禹煥由70年代到現在的作品. 館內係唔可以影相, 入場費1030Yen. 

下面係室外的展覽廣場, 免費的.

點線面

對話

休息または巨人の杖

美術館的遠景

離開美術館後, 就繼續向山行啦. 這邊其實就有Free shuttle bus搭啦, 但要睇岩時間表先啦, 班次好疏. 咁我都行左咁多啦, 無所謂啦, 當欣賞下風景啦.

海邊的石雕

日落的海邊真係好靚

シップヤード・ワークス 船尾と穴 Stern with Hole , 正面與背面, (背面真係有少少殘舊的感覺, 真係有D似爛船...哈哈)

三枚の正方形

呢到係島上的酒店, Benesse House, 既係Museum也是Hotel, 有機會都想試下係到住一晚呀. 對正海邊, 休閒咁散下步, 諗到都覺得舒服. 

黃南瓜Get it!! 有幾多人黎都係為左佢.....都係靠好人幫我地影呢張合照架.

有個小小的鳥居係岸邊, 加上日落, 太美了.

係呢到就已經係搭Town Bus的位置, 可以搭車經別外一邊落山去番碼頭. 巴士的班次都係好疏, 記住要Check清楚時間. 我係呢到等左15Mins左右, 已經凍到震.

終於等到巴士黎啦, 連巴士都佈滿左南瓜架. 沿路好多都已經黑晒, 無咩人, 所以都係要早D黎. 番到碼頭, 仲有時間, 所以係周圍再影下相先.

紅南瓜的晚上

Naoshima Pavilion 的日落與晚上, 我都有行到入去影相架. 

船到就要離開直島啦, 如果下次有機會既話都想再黎多次直島, 留多D時間去欣賞呢個藝術之島. 不過.....我唔想再行山啦, 冇咩勇氣既都係唔好挑戰啦. 

回到岡山車站後, 就坐新幹線出發到廣島啦. 

終於黎到旅程最後的一站 - 廣島 Hiroshima 啦. 因為今次住既地方唔係近JR的地方, 主要係要睇自己想去的地方係邊到啦. 我揀左住係本通個邊的位置, 個邊附近都好多食店和行街的地方, 而且都近和平紀念館. 

係廣島站一出就會見到路面電鐵的位置, 都會有好多人係到等車. 站頭仲有資料比你睇. 

今晚好好休息一晚, 聽日就出發去宮島啦!!!