PrincessFake

阜杭豆漿相信大家都知佢好出名, 而且永遠都係大排長龍. 我曾經有諗過去唔去好, 亦有諗過好唔好一早去排隊, 但最後我都係敵不過周公啦!! 

一早起身後上FB, 見到有人打卡話今日好少人, 立即9衝過去!! 今日真係so lucky呀, 竟然只係排到去樓梯口! 我覺得根本就唔叫排隊啦!! 

2/F樓梯口位置

呵呵 真係唔算多人啦. 雖然好似好多都係遊客, 但都見到有唔少台灣人呀. 應該唔算係遊客店掛...

會見到一個大廚房, 師傅係入面密密做, 真係辛苦晒啦

整個環境, 對住排長長的龍就係阜杭豆漿, 但其實仲有其他舖, 姐係係Food Court, 不過起碼有八成既人都係黎食佢. 係好乾淨的, 大家食完仲會自己執野, 不過好熱, 冇咩冷氣咁. 

我只係排左10分鐘左右吧, 會先問你飲品, 之後再向前行先再點食物. 

咸豆漿!! 超級正!! 佢有D似豆腐花既質感, 再加上油炸鬼, 很好食!!! 

蛋餅夾油炸鬼, 薄餅包住左油炸鬼, 外面軟軟, 入面脆脆的

蛋餅, 好鍾意食蛋餅呀, 雖然我唔食蔥既, 但係呢個蛋偷偷運入去炒蛋, 又真係幾香既. 

厚餅油條, 呢個我就冇咁鍾意食, 可能因為呢個比較硬

以上為兩個人的早餐....會唔會太誇張先....但我食得晒!!! 下次有機會, 我都係會再黎食架!!